ЛЮБИМЫЕ ИКОНЫ БОЖИЕЙ МАТЕРИ

ПРАЗДНИК ИКОНЫ БОЖИЕЙ МАТЕРИ "ДЕРЖАВНАЯ"!

МОЛИТВА

О, мира Заступнице, Мати Всепетая! Со страхом, верою и любовию припадающе пред честною иконою Твоею Державною, усердно молим Тя: не отврати лица Твоего от прибегающих к Тебе. Умоли, милосердная Матерь Света, Сына Твоего и Бога нашего, сладчайшего Господа Иисуса Христа, да сохранит в мире страну нашу, да утвердит державу нашу в благоденствии и избавит нас от междоусобныя брани, да укрепит Святую Церковь нашу Православную и непозыблему соблюдет ю от неверия, раскола и ересей. Не имамы бо иныя помощи, разве Тебе, Пречистая Дево: Ты еси всесильная христиан Заступница пред Богом, праведный гнев Егo умягчающая. Избави всех с верою Тебе молящихся от падений греховных, от навета злых человек, от глада, скорбей и Болезней. Даруй нам дух сокрушения, смирение сердца, чистоту помышлений, исправление греховныя жизни и оставление согрешений наших, да вси, благодарне воспевающе величия Твоя, спододимся Небеснаго Царствия,ии тамо со всеми святыми прославим пречестное и великолепое имя в Троице славимаго Бога: Отца, Сына и Святаго Духа. Аминь.

ТРОПАРЬ, гл.4

Ангелов Лицы Благоговейно Тебе Служат, И Вся Небесныя Силы Неумолчными Гласы Тя Ублажают, Богородице Дево: Усердно Молим Тя, Владычице, Да Пребудет Божественная Благодать На Честней Иконе Твоей Державней, И Светозарный Луч Славы Чудес Твоих Да Нисходит От Нея На Вceх, С Верою Тебе Молящихся И Вопиющих Богу: Аллилуйя.

КОНДАК, гл.8

Взбранней Воеводе, Заступнице нашей Державней, песни благодарственныя приносим о даровании нам иконы Ея святыя, еюже ограждаеми, ничесоже устрашимся, не от человек бо спасение наше, но Преблагословенныя Владычицы милосердием. Темже днесь радуемся и празднуем светло, яко прииде Державная на стражу земли Своея.

ВЕЛИЧАНИЕ:

Достойно есть величати Тя, Богородице, земли Русския Царицу Небесную и людей православных Владычицу Державную.